Aningaasanik aningaasaatinillu niuerneq

Kalaallit Nunaanni aningaasaqarneq aningaasaatinillu kileqanngitsumik nuussuisinnaaneq ammasorujussuuvoq. Tamanna isumaqarpoq nunani tamalaani nunarsuarlu tamakkerlugu ineriartorneq aamma aningaasaateqarnermut apeqqutaalluinnartoq, minnerunngutsumik aningaasanik niuerfiit ataatsimuulersinneqarsiartorneranni.

 

Aningaasanik aningaasaatinillu niuerfiit arlalinnik immikkoortitersimapput aningaasaqarnermi nioqqutinik tuniniaaffiullutillu pisiniarfiusunik. Aningaaseriviit assigiinngitsunik periarfissaqartitsillutik aningaasaliinissamut periarfissiipput, peqatigisaanik sullitaminnut inussutissarsiornikkullu siunnerfeqartumik sulialiannut taarsigassarsititsisarput.

 

Illunik pisinermi isumannaatsumik qularnaveeqqusiilluni aningaasanik taarsigassarsititsisarfiit aqqutigineqakkajupput, ukiut qulit 30-llu akornanni sivisussusilinnik akilersorneqartussanik. Taamatullu inissianik pisinermi aamma pisortat taarsigassanik aningaasaliineri aamma pingaaruteqarlutik.